महाराष्ट्र राज्य महिला आरोग्यवारी अभियानाचा शुभारंभ आज पुणे येथे पालखी विसावा असणाऱ्या निवडुंगा विठोबा मंदिराजवळ येथे पार पडला

येथे उभारण्यात आलेल्या महिला मदत कक्षाचे उदघाटन राज्यसभा सदस्या वंदना चव्हाण यांच्या हस्ते करण्यात आले. या मदत कक्षामध्ये विसावा कक्ष व हिरकणी कक्ष असे दोन विभाग करण्यात आले असून यामध्ये सॅनिटरी पॅड व्हेंडिंग मशीन , बर्निंग मशीन अशी सुविधा करण्यात आलेली आहे. यावेळी पुणे जिल्ह्याचे पोलीस अधीक्षक श्री.अभिनव देशमुख , महिला आयोगाच्या सदस्य सचिव श्रद्धा जोशी शर्मा , पुणे महापालिकेचे अतिरिक्त आयुक्त श्री.खेमणार , उपायुक्त आशा राऊत व इतर सरकारी अधिकारी व कर्मचारी उपस्थित होते.